સુરતઃગુરૂવાર: લોકસભાની સામાન્ય ચૂંટણીમાં મતદારોની ભાગીદારી વધે અને ચૂંટણી પંચનો ’NO VOTERS TO BE LEFT BEHIND’નો હેતુ સિદ્ધ થાય તેમજ લોકશાહીના પર્વમાં મહિલાઓ વધુમાં વધુ મતદાન કરે તે માટે ઓલપાડ તાલુકાની મહાદેવ શાસ્ત્રી વિદ્યાલય ખાતે જિલ્લા વિકાસ અધિકારી શિવાની ગોયાલના અધ્યક્ષ સ્થાને Turout Implementation Planના ભાગરૂપે ત્રણ દિવસીય ‘સખી સહેલી સંગે મતદાન કેમ્પેઈન’નો પ્રારંભ કરવામાં આવ્યો હતો. આ અવસરે જિલ્લા વિકાસ અધિકારી શિવાની ગોયલે સખી સાથે સંવાદ કરતા કહ્યું હતું કે, સુરત જિલ્લામાં ત્રિ-દિવસીય ‘સખી સહેલી સંગે મતદાન અભિયાન’નો મુખ્ય ઉદ્દેશ આગામી તા.07મી મેના રોજ લોકસભાની ચૂંટણીમાં મહિલાઓ વધુ મતદાન દ્વારા પોતાના મતાધિકારનો ઉપયોગ કરી લોકશાહીના પર્વમાં સહભાગી બને તે છે. દરેક આંગણવાડીમાં મતદાન જાગૃતિ માટે પ્રયાશ હાથ ધરવામાં આવ્યા છે. સખી સપથ વિધી સાથે સિગ્નેચર કેમ્પેઈન થકી મતદારોને મતદાન જાગૃતિ કરવામાં આવી રહ્યા છે. વહીવટી તંત્ર અને જિલ્લા પંચાયત દ્વારા દરેક ગામના ચારથી પાંચ સખી મંડળની બહેનોના જુથનું 100 ટકા મતદાન થશે જેમને પ્રમાણપત્ર આપી સન્માનિત કરવામાં આવશે. ચૂંટણીની શાહી માત્ર શાહી નથી પણ તે લોકશાહીનું સન્માન છે, આપણું ગર્વ છે. વધુમાં શિવાની ગોયલે કહ્યું હતું કે, લોકશાહીના પર્વમાં મુખ્ય બે મહત્વની બાબતો હોય છે. જેમાં પહેલું મતદાનથી યોગ્ય પ્રતિનિધિઓની પસંદગી કરવાની હોય છે. અને બીજુ દેશનું ભવિષ્ય ચુટાયેલા પ્રતિનિધિઓના હાથમાં હોય છે, તેમ પરિવારની ચાવી મહિલાઓ પાસે હોય છે. તેમણે દરેક પરિવારની સાસું, નણંદ, બહેન, વહુ અને સખી-સહેલી સાથે અવશ્ય મતદાન કરવા અનુરોધ કર્યો હતો. આ પ્રસંગે DRDAના ડિરેક્ટર બી.એમ. પ્રજાપતિએ લોકશાહીના પર્વમાં મતદાનનું બહુમૂલ્ય સમજાવતા જણાવ્યું હતું કે, દેશનાં વિકાસમાં દરેક વોટની કિંમત એક-એક સરખી હોય છે. આ લોકશાહીમાં મતદાનએ નાગરિકોનો અવાજ છે. દેશ માટે આપણને આપણા વોટનું ગૌરવ હોવું જોઈએ, તેની કિંમત બહુમૂલ્ય છે. એટલે જ તો કહેવાય છે કે, મત પવિત્ર અને કિંમતી છે. સહેલી સંગે મતદાન કરવા અનુરોધ કર્યો હતો. મતદાન એ ગુપ્તદાન છે. મત એ લોકશાહીનું હાર્દ છે. આ અવસરે પ્રાંત અધિકારી ઓલપાડ અને ICDS પ્રોગ્રામ ઓફિસરશ્રીના માર્ગદર્શન હેઠળ આ અભિયાનમાં મહિલા મતદાતાઓને મતદાનના મહત્વ વિશે વિવિધ ફિલ્મનું નિદર્શન, મતદાન શપથ, મતદાનના દિવસે સાથે રાખવાના વિવિધ પુરાવા, મતદાન મથકે મોબાઈલ પ્રતિબંધ વિષય ઉપર માહિતી આપીને જાગૃત કરવામાં આવ્યા હતા. ત્યારે લોકશાહીના આ પર્વમાં વધુમાં વધુ મતદાન નોંધાય અને મહિલા મતદાતાઓ વધુ પ્રમાણમાં જાગૃત થાય તે માટે સખી સહેલી સંગ મતદાન અભિયાનનો પ્રાંરભ કરવામાં આવ્યો હતો. આ પ્રસંગે ઓલપાડ પ્રાંત અધિકારી પાર્થભાઈ તલસાણીયા, TDOશ્રી હાર્દિકભાઈ ગઢવી, સંકલિત બાળ વિકાસ યોજનાના અઘિકારી ભારતીબેન, ICDS પ્રોગ્રામ ઓફિસરશ્રી કોમલબેન ઠાકોર, મહાદેવ શાસ્ત્રી વિદ્યાલયના આચાર્ય ભરતભાઈ પટેલ, પ્રાથમિક શિક્ષણ અધિકારી, સખી મંડળની બહેનો, આંગણવાડીની બહેનો સહિત ગ્રામજનો ઉપસ્થિત રહ્યા હતા.