તાપી તા. ૧૧ :-તાપી જિલ્લામાં આગામી તા. ૦૭ મે, ૨૦૨૪ ના રોજ યોજનારી ૨૩ બારડોલી (અ.જ.જા) સંસદીય મતદાર વિભાગની સામાન્ય ચૂંટણી સંદર્ભે બારડોલી સંસદિય વિભાગ અને તાપી કલેકટર શ્રી ડૉ. વિપિન ગર્ગ દ્વારા સને ૧૯૬૧ ના ચૂંટણી સંચાલન નિયમોના નિયમ-૩ હેઠળ ‘ચૂંટણી નોટિસ’ જાહેર કરાઈ છે.
તાપી જિલ્લા ચૂંટણી અધિકારી, ૨૩- બારડોલી(અ.જ.જા) સંસદીય મતદાર વિભાગ અને કલેક્ટર શ્રી તેમજ મદદનીશ ચૂંટણી અધિકારી ૨૩- બારડોલી (અ.જ.જા) સંસદીય મતદાર વિભાગ અને પ્રાંત અધિકારીશ્રી સમક્ષ તા.૧૨ થી ૧૯ એપ્રિલ, ૨૦૨૪ સુધી (જાહેર રજા સિવાય) સવારના ૧૧.૦૦ થી બપોરે ૩.૦૦ કલાક દરમિયાન કોરા ઉમેદવારી પત્ર મેળવી તેમજ ભરાયેલ ઉમેદવારી પત્ર રજુ કરી શકાશે. જે માટે નિયમાનુસાર નોટિસ પ્રસિદ્ધ કરવામાં આવેલ છે.
ઉમેદવારી પત્રોની ચકાસણી તા.૨૦ એપ્રિલ, ૨૦૨૪ નાં રોજ સવારે ૧૧.૦૦ કલાકથી ચૂંટણી અધિકારી, ૨૩- બારડોલી(અ.જ.જા) સંસદીય મતદાર વિભાગ અને કલેકટર, તાપી-વ્યારાની કચેરીના સભાખંડ, પહેલો માળ, જિલ્લા સેવા સદન પાનવાડી, પાનવાડી- વ્યારા જિ.તાપી ખાતે હાથ ધરવામાં આવશે.
ઉમેદવારી પરત ખેંચવાની નોટિસ તા.૨૨ એપ્રિલ, ૨૦૨૪ નાં બપોરના ૩:૦૦ કલાક પહેલા ઉપરોક્ત કોઈપણ અધિકારી સમક્ષ રજુ કરી શકાશે. મતદાન કરવાનું થશે તો તા.૦૭/૦૫/૨૦૨૪નાં રોજ સવારે ૭:૦૦ થી સાંજના ૬:૦૦ વાગ્યા વચ્ચે થશે તેવુ ચૂંટણી અધિકારીશ્રી દ્વારા જણાવાયું છે. તેમ તાપી જિલ્લા નાયબ ચૂંટણી અધિકારીની અખબારી યાદીમાં જણાવાયું છે.
