પાણીના પ્રશ્ન માટે હેલ્પલાઇન નં. ૧૯૧૬ પર સંપર્ક સાધવો
તાપી તા.૧૧ :- તાપી જિલ્લા કલેક્ટર શ્રી ડૉ. વિપિન ગર્ગના માર્ગદર્શન હેઠળ વ્યારા પ્રાંત અધિકારીશ્રીએ ઉનાળુ સત્ર દરમિયાન પ્રજાને પાણીની સમસ્યા ન ઉદભવે તે માટે સબ ડીવીઝનમાં સમાવિષ્ટ અધિકારીશ્રીઓ સાથે બેઠક યોજીને મહત્વપૂર્ણ ચર્ચા કરી હતી.
વ્યારા, વાલોડ, સોનગઢ અને ડોલવણ તાલુકાનાં ગ્રામ્ય તથા શહેરી વિસ્તારની જાહેરજનતાને આગામી ઉનાળુ સત્ર દરમ્યાન પુરતા પ્રમાણમાં પાણી મળી રહે તેમજ કોઇપણ વિસ્તારમાં પાણીની સમસ્યાના નિરાકરણ માટે ૧૯૧૬ હેલ્પલાઇન નંબર પર સંપર્ક કરવા અંગે વ્યારા પ્રાંત અધિકારીશ્રી તરફથી મળેલ અખબારી યાદીમાં જણાવાયું છે.